歡喜

营业中

休息中

环境5分：港式西餐厅格局，地舖好大，楼面好高，啲位分得好开，啲歌劲啱听，可以畀满分。卫生5分：地方非常之干净，卫生一样畀满分。服务5分： 两个女服务员都好friendly，落单爽，上𩠌快，又会自动添水，都系满分。味道4分：1)      日本京都Suntory生啤全部同价，新潮金加黑好清爽。2)      是日餐汤系烟肉白豆汤，热辣辣，豆味好浓。3)      日本芝麻汁豆腐沙律比较特别，沙律好爽好新鲜，个麻酱甜，两个人share食都足够有余。4)      咸蛋黄卡邦尼烟肉意大利粉要捞埋咸蛋黄一齐食，个意粉酱汁好食，意粉煮到烟烟靭靭，烟肉粒份量都多。5)      十安士澳洲牛肉眼扒一上枱以为煮得好熟，但切开一半见到啱啱好medium，份量大大块，伴碟嘅蕃茄蒜头薯仔都非常嘢味。6)      甜品芝士蛋糕唔太甜，好light。抵食5分：二人套餐有汤，有沙律，有牛扒，有意大利粉，有甜品，$308唔使加一，抵食一定畀满分。