華商會所

营业中

休息中

朋友带我嚟呢度食午饭。呢度超好坐，坐几耐都唔会赶，仲会不停帮我地加水，服务好细心。餐牌食物种类好多，大约有30款，其中有十款系咖哩，实有一款啱你。午餐包餐汤，主菜，甜品同餐茶。周打蚬汤。好够杰身，唔会太咸。除咗蚬之外有大量红萝卜同西芹。配埋松软餐包系一个唔错嘅开始。牛脷心扒配意粉($175)。牛脷扒超大块又厚身，好软绵绵，配埋烧汁好有港式西餐嘅风味。不过啲白烚配菜就寡咗啲，麻麻地。朋友叫咗薯菜，系薯蓉黎嘅。甜品有班兰蛋糕同黑加仑子啫喱拣，我要咗啫喱，里面有少量杂果，有诚意。总结系，虽然港式西餐嚟讲价钱有啲贵，但系任坐唔嬲喺中环真系好难揾。