德運豬扒車仔麵 (已結業)

咪睇白加士街依間德運豬扒車仔麵舖仔細細，路過見到唔少街坊、打工仔都會嗌外賣，證明佢真係有番咁上下「食」力！睇睇menu有唔同選擇，可以睇番自己糧頭定糧尾去揀。見佢推介「魅味炸豬扒」仲可以以另上，隔離枱個個都有嗌，決定剔嚟試試。除咗豬扒，我仲叫咗牛丸、豬紅同菜心。牛丸夠彈，豬紅新鮮唔腥，好滋味。秘製酸菜湯底，夠香夠濃真係無得輸！重點當然係佢個「魅味炸豬扒」，豬扒腌得夠哂入味，炸得香口但又唔會乾哂變豬肉乾，仲可以選擇另上，咁就唔怕浸係湯到太耐唔夠好味啦！