孖寶車仔麵

营业中

休息中

平时经常买外卖返屋企食，今次约咗朋友一齐坐低慢慢食。呢间车仔面档成日都好多人👍🏻 地道港式车仔面，重点系店内食有自家制的菜脯，有辣同唔辣，自己任意添加，最钟意辣菜脯好惹味，外卖都可以加菜脯。三𩠌面套餐 $52猪大肠＋鸡中翼＋鱼肉春卷配油面最出名系秘制酱汁，味道甜甜地加入汤底特别鲜甜！鸡中翼大大只好肥美，猪大肠腌得好入味，鱼肉春卷用鲮鱼肉整，口感弹牙。三𩠌肠粉套餐 $52烧卖、辣鱼蛋同咖哩鱿鱼，鱼蛋系陈皮鱼蛋，食落好香又弹牙，店员推介咖哩鱿鱼🦑咖哩味好浓够哂惹味，主角系肠粉，口感好滑溜。生菜墨鱼条汤 $26劲多墨鱼条，份量十足！墨鱼条新鲜又弹牙，配以大量生菜底，汤底特别清甜。腐竹鸡蛋糖水 $22煲得好像豆浆一样幼滑口感,，每一口好软绵，火喉十足，使白果变得烟韧香甜。