鐵板世家

营业中

休息中

放工去左金鱼街买鱼粮，顺便食埋晚饭。呢度都有好几间港式茶餐厅，门口见到呢间茶餐厅食铁板扒，都好耐无食过，咁就食番餐先。餐厅光猛，走怀旧港式风格，环境干净整齐。餐牌有港式铁板餐同焗饭，而铁板餐包左餐包、餐汤跟薯菜，百令蚊抵食又丰富，咁我哋就叫左两份。餐包：翻热左暖笠笠，好软，搽牛油溶左食就OK。餐汤：罗送汤好足料，好多蔬菜，甜甜酸酸，够开胃。忌廉汤浓结适中，又唔会太淡，够晒味道。铁板西冷牛扒：卖相唔错，跟餐牌相一样。叫左五成熟，切开仲红红地，唔会过熟，刚刚好。牛扒质感软熟，唔韧无筋，配左黑椒料几好食。意粉：食薯菜唔够饱唔紧要，另加$10就有大大碟饭或意粉。铁板肉眼牛扒：肉眼扒大大块，同样叫左五成熟。肉眼同西冷质感差不多，肉眼就比较瘦D。薯条份量都几多架，仲要系粗身薯条，我就觉得牛扒跟薯菜已经好饱好饱。甜品：啫喱系免费赠送，里面仲加左杂果，无咁单调，唔太甜，刚刚好。饮品：叫左冻柠茶同冻朱古力，两杯都够味正常。