影片
更多
2023-07-24
272 浏览
嚟新都城探朋友，顺便一齐食晚饭。地头虫推荐商场地下呢间充满本土情怀嘅街坊茶餐厅「六十年华」。餐牌选项非常多元化，由炒粉面饭、小菜、镬气小炒、烧味，以至铁板餐等，应有尽有。我哋点咗烧味三拼 ($93)、招牌鲜凤梨咕噜肉 ($78)、咸鱼茸煎肉饼 ($70) 同 椒盐新鲜鲜鱿 ($88)。原来食满 $168 仲会免费送碟蒜蓉炒时蔬。小菜 +$10 可配丝苗白饭及老火靓汤，今日嘅老火汤系冬瓜薏米猪骨汤，碗汤好好饮，消暑祛湿、清热生津。烧味三拼拣咗叉烧、腩仔同油鸡，听朋友讲呢度嘅烧味全部都系现场自家烤炉烧制，保证新鲜。叉烧肥瘦适中、腩仔皮脆肉嫩、油鸡肉滑有弹性，豉油味香而不腻。碟咸鱼茸煎肉饼亦很有惊喜，煎得好香好入味，而且食落口唔会干争争，仍有肉汁，加上入面嘅咸鱼茸，咸香惹味。另外呢碟咕噜肉用料亦非常讲究，以新鲜半肥瘦猪肉炮制，入口外脆内软，凤梨果肉酸酸甜甜，加上摆盘非常精美，色彩缤纷，绝对系佐饭佳品！鲜鱿即点即炸，送上时仍热辣辣，镬气十足，食落弹牙香口，松化又唔油腻，而且最正系加咗好多香脆嘅腰果做配料，用嚟送饭一流。免费送嘅蒜蓉白菜仔亦做得一点也不马虎，白菜仔好鲜嫩，入口唔会有渣，而且用蒜
嚟新都城探朋友，顺便一齐食晚饭。地头虫推荐商场地下呢间充满本土情怀嘅街坊茶餐厅「六十年华」。
餐牌选项非常多元化，由炒粉面饭、小菜、镬气小炒、烧味，以至铁板餐等，应有尽有。
我哋点咗烧味三拼 ($93)、招牌鲜凤梨咕噜肉 ($78)、咸鱼茸煎肉饼 ($70) 同 椒盐新鲜鲜鱿 ($88)。原来食满 $168 仲会免费送碟蒜蓉炒时蔬。
小菜 +$10 可配丝苗白饭及老火靓汤，今日嘅老火汤系冬瓜薏米猪骨汤，碗汤好好饮，消暑祛湿、清热生津。
烧味三拼拣咗叉烧、腩仔同油鸡，听朋友讲呢度嘅烧味全部都系现场自家烤炉烧制，保证新鲜。叉烧肥瘦适中、腩仔皮脆肉嫩、油鸡肉滑有弹性，豉油味香而不腻。
碟咸鱼茸煎肉饼亦很有惊喜，煎得好香好入味，而且食落口唔会干争争，仍有肉汁，加上入面嘅咸鱼茸，咸香惹味。
另外呢碟咕噜肉用料亦非常讲究，以新鲜半肥瘦猪肉炮制，入口外脆内软，凤梨果肉酸酸甜甜，加上摆盘非常精美，色彩缤纷，绝对系佐饭佳品！
鲜鱿即点即炸，送上时仍热辣辣，镬气十足，食落弹牙香口，松化又唔油腻，而且最正系加咗好多香脆嘅腰果做配料，用嚟送饭一流。
免费送嘅蒜蓉白菜仔亦做得一点也不马虎，白菜仔好鲜嫩，入口唔会有渣，而且用蒜蓉炒得好香。
张贴
