新肥泉海鮮大排檔

营业中

休息中

之前嚟过食佢哋嘅豉汁蒸白蟮非常好食，呢排秋风起又谂起想食，今晚忍唔住过嚟再食😋今次点多咗其他菜式试吓，豉汁凉瓜炒牛肉、姜葱鱼卜煲、豉汁蒸白蟮。豉汁凉瓜炒牛肉呢𠮶就系冲住凉瓜可以清热气嚟点，凉瓜清甜，豉汁调味适中，唔会过咸，牛肉亦够哂镬气，食落软嫩。姜葱鱼卜煲姜葱爆炒过嘅鱼卜够哂镬气，鱼卜食落烟韧，但又唔会过老又够香，处理时间啱啱好，师傅功力到位。豉汁蒸白蟮白蟮味道鲜甜，质地爽口，食起黎肉质非常鲜嫩，豉汁既味道将白蟮调制得更加惹味。