屯利佳餐廳

营业中

休息中

今日同老公去完旅行番黎都已经好夜，所以向屯门食个快饭就算，华都有好多餐厅，好多都好高质，我地就拣左好耐都未黎过嘅屯利佳，以前都成日黎帮衬，由于已好夜喇，所以唔洗等位已经可以入座，呢到有好多选择，我地今次就点左：生炒排骨饭（$49）热华田真系超钟意食生炒骨，因为自己整好麻烦，排骨仲系好脆口，唔会淋晒，又多肉，配菜青椒洋葱清新，酱汁酸酸甜甜，好开胃，唔错唔错，华田正正常常，椒盐三宝（$56）加可乐（$8）三宝有鱿鱼，腰果，四季豆，鱿鱼又系脆卜卜，腰果炸过好香口，四季豆就差啲，食落成口油嘅感觉，椒盐味道未算好重，但都可以。