影片
更多
2023-06-28
706 浏览
#搞串个pantry酒店high tea大家就食得多啦🍸，喺茶餐厅high tea大家又试过未呢🤩？今次就嚟到#梅窝 嘅一间茶餐厅，试吓佢独家嘅茶餐high tea😋！！我哋嗌咗港女三层架下午茶($148)🧁，包埋三杯嘢饮，如果两个人食可以当做一个超级饱嘅午餐，不过记住14:30之后先有㗎✌🏻。一嚟到已经好打卡able💕，熟悉嘅high tea架，但入面放嘅系茶餐厅嘢食，好特别。最底𠮶层系一开四嘅招牌公司三文治🥪，入面有蛋、扎肉、火腿、番茄🍅、生菜🥬，食落味道好丰富，面包好脆。因为里面冇酱嘅关系，所以食落口好干。如果有搽沙律酱或者蛋黄酱就比较好啦😄。中间就系炸物拼盘，有波浪薯条🍟、咖喱角、春卷，同埋吉列炸虾🍤。每样嘢食都炸得好脆。炸虾啲虾肉唔会霉，好弹牙！薯条有啲偏腍，而春卷、咖哩角就普通。成碟炸嘢，主要靠啲番茄酱、泰式辣酱嚟撑场😕。最后上面系甜品，有布甸、啫喱、同埋蛋花大菜糕，佢哋嘅玻璃杯仲有好盏鬼嘅表情🤪。虽然食得出啲啫喱系用罗拔臣啫喱粉整，但系咁先够港式嘛🇭🇰🥳。而大菜糕嘅调味适中，相较之下冇咁甜，而家越嚟越少呢啲传统食物，都几特别㗎。今次呢个下午茶套餐，卖相加埋环境方面好有香港
酒店high tea大家就食得多啦🍸，喺茶餐厅high tea大家又试过未呢🤩？今次就嚟到#梅窝 嘅一间茶餐厅，试吓佢独家嘅茶餐high tea😋！！
我哋嗌咗港女三层架下午茶($148)🧁，包埋三杯嘢饮，如果两个人食可以当做一个超级饱嘅午餐，不过记住14:30之后先有㗎✌🏻。
一嚟到已经好打卡able💕，熟悉嘅high tea架，但入面放嘅系茶餐厅嘢食，好特别。最底𠮶层系一开四嘅招牌公司三文治🥪，入面有蛋、扎肉、火腿、番茄🍅、生菜🥬，食落味道好丰富，面包好脆。因为里面冇酱嘅关系，所以食落口好干。如果有搽沙律酱或者蛋黄酱就比较好啦😄。
中间就系炸物拼盘，有波浪薯条🍟、咖喱角、春卷，同埋吉列炸虾🍤。每样嘢食都炸得好脆。炸虾啲虾肉唔会霉，好弹牙！薯条有啲偏腍，而春卷、咖哩角就普通。成碟炸嘢，主要靠啲番茄酱、泰式辣酱嚟撑场😕。
最后上面系甜品，有布甸、啫喱、同埋蛋花大菜糕，佢哋嘅玻璃杯仲有好盏鬼嘅表情🤪。虽然食得出啲啫喱系用罗拔臣啫喱粉整，但系咁先够港式嘛🇭🇰🥳。而大菜糕嘅调味适中，相较之下冇咁甜，而家越嚟越少呢啲传统食物，都几特别㗎。
今次呢个下午茶套餐，卖相加埋环境方面好有香港特色🙌🏻！但其实食物质素只系一般般嘅茶餐厅水平。食落嘅感觉，同埋价钱都似系将三、四份下午茶餐拼埋一齐，所以呢个餐都系视觉享受为主啦😜！
张贴
