瀛豐放題料理專門店 (已搬遷) 新店位置

出面嘅放题全部都系日式为主，而瀛丰嘅放题除咗有日式料理之外，仲有好多泰式小食，我就贪佢呢一点，所以今日就嚟到食个港、日、泰特色放题。刺身拼盘已有齐所有店内供应嘅刺身，包括有珍宝赤虾、三文鱼、油甘鱼、希灵鱼、北寄贝、八爪鱼、马刀贝、赤贝、鲍片、北海道角螺，所以先叫一份试齐唔同嘅刺身，然后再追加想食嘅款式。我就特别推介珍宝赤虾，大大只又够鲜味，另外马刀贝出面食放题比较少见，够爽口，所以都值得追加。海胆带子系用带子开半之后酿入海胆，两款鲜味食材混合一齐就更加鲜上加鲜。松叶蟹脚够多肉，而且仍保留淡淡的海水咸味，原汁原味就最好食。我哋仲试埋炖汤，系虫草花螺肉瘦肉汤，非常滋补。出面食泰国菜叫个生虾刺身，平均都要10几蚊一只，嚟到呢度可以任食，真系好正好吸引。平时食开嘅放题都系一啲日式料理，而呢度嘅放题就加入咗好多泰式风味，呢个泰式炒椰菜苗我就觉得好好味，首先椰菜苗呢个食材喺放题真系好少有，另外佢加入咗马拉盏调味，少少辣好醒胃。另外仲有泰式烧元贝，虽然唔算好大只，但系有得任食都已经值回票价。八味黄金豆腐系新鲜炸起，上枱时仲热辣辣，外脆内软夹滑，又系一个推介嘅菜式。仲有金叶香蒜炒墨鱼须简直系大排档小菜