微辣大排檔 (已結業)

今次约咗成班朋友去沙田的「微辣大排档」，以澳门微辣YouTube 频道人气节目 《微辣大排档》为概念，装潢特别，好多打卡位，冰室及大排档二合为一，我哋今次就坐咗喺大排档𠮶边，很好feel，食咗多款港澳不同地方嘅美食。【微辣自创】何伯爆屎渠以整条炸猪大肠再灌入甜酸汁，我哋选择自己剪件，大肠香脆多汁，食唔停口。【大排档区域 】米酒鸡店员放上枱面后，淋上白酒点火，自己戴上手套分件， 鸡面铺上蒜头及姜葱，荷叶包裹，鸡内酿有金针及云耳，鸡肉嫩滑，味道有层次。【大排档区域 】皇冠小馆 (澳门米芝莲食店) 水蟹粥粥底非常软绵，充满蟹膏嘅精华，奄仔蟹肉质结实又鲜味。【大排档区域 】李家菜 (澳门米芝莲食店)咖喱牛筋牛腩配上巴西的牛勒条及牛坑腩和牛筋一起烹煮而成，咖哩汁好惹味，肉质好入味又软淋。仲食左【大排档区域 】大澳虾干肉饼煲仔饭、霍哥顶得住青柠树、皇冠小馆 (澳门米芝莲食店)葡式Yelo 咖喱炒蟹、冰镇新鲜八爪鱼、椒盐猪润、大利来记猪扒包、微辣自家创咸柠檬蛏子王及利强记北角鸡蛋仔，非常丰富， 仲要饮埋微辣大排档正×少爷手工啤酒，真系好爽。