泰筏味泰國船河專門店 (已結業)

一踏入2018年无耐，我就激嬲咗A姐喇。最衰我衰多口啦，唉！而为咗要氹番A姐，佢俾咗个难题我，就系要揾间有泰式船河俾佢过吓口瘾，其实喺香港食船河嘅地方好少，左揾右揾，今日就同佢到旺角同大角咀中间嘅泰筏味泰国船河专门店，希望佢食饱饱就唔好嬲啦。呢度嘅船河，分为牛肉类同猪肉类，有牛杂、牛腩、牛丸、猪手、脆肉、猪颈肉等等，而面底就有河粉、金边粉、绿茶面同米粉。，牛杂船河金边粉幼身滑口嘅金边粉配上份量唔少嘅牛杂，最好味当然系有咬口又弹牙嘅金钱肚啦，而汤底肉味香浓，又唔油腻，唯一失望系汤底唔算好热。脆肉船河同金边粉相比，呢个河粉就系想对粗身同烟韧，各有千秋。脆肉即系烧肉，肥瘦均匀，皮仲好脆添。而食船河，当然唔少得调味料啦！肉碎生菜包份量十足，生菜新鲜脆口配埋微辣惹味嘅泰式肉碎、香菜同红萝卜丝，食落仲有唔同嘅香料味，够晒fresh。泰式生虾味道几鲜，不过，同出面嘅酸汁唔同，我M佬就唔太钟意喇。酸辣凤爪A姐就最钟意食酸辣凤爪，所以今日又点可以无呢味菜呢！凤爪够晒入味，酸酸甜甜咁，仲唔原谅我咩？