Salsa Cafe

营业中

休息中

美国返黎第一餐，同事知我未黎过，所以带我一试，评一评。一间唔起眼既餐厅，真系行过唔留意都见唔到，门面装修非常简洁，而内笼应该系无装修过，只系将四面墙同天花油上白色。地方较细，坐得唔多舒服，lunch 时间都几多食客，要等位。睇睇个 menu，属港式快餐穏阵类，鸡牛猪鱼、饭意粉薯菜，一试无妨 ~忌廉汤，餐汤，忌廉水，系咁多。芝士焗吞拿鱼虾意粉，含佢够穏阵，食得出系即热辣辣焗，吞拿鱼碎足料无揾笨，芝士味够浓，再加上带咸味吞拿鱼，好重味，其实都几好食，但餐后要大量饮水去中和。意粉港式煮法，略为过火，偏腍发胀，都免强还有少许咬口，接受。虾肉爽口弹牙，唔错。香草白汁斑块意粉，斑块带腥味，口感松散，意粉同一问题系煮得过火，总括黎讲港式快餐，接受。