三代目 (港運城)

营业中

休息中

环境清幽嘅日式居酒屋，仲有sake放题！豚肉酱油鱼介拌面🌟🌟 🌟🌟🌟好少见既拌拉面🍜通常鱼介汤底拉面味道会好重口味，呢款相对几清淡，拉面煮得岩岩好捞起，入口暖暖哋，好滑。配菜包括竹笋、樱花虾、葱、海苔、蛋同叉烧，捞埋一齐食，推荐！三盛烧肉丼🌟🌟🌟🌟因为每种肉都想试下，呢款有晒鸡肉、牛舌、烧肉既三盛丼就啱哂我！我最钟意既系牛舌，烧过脆脆地，入口几有韧性，酱汁捞饭好惹味，份量唔算多。味增甲罗烧🌟🌟🌟🌟用味增腌渍过既蟹肉、蟹子同蟹膏，配上一颗鹌鹑蛋，卖相好靓！用海苔包住白饭，淋上一茶匙嘅蟹子，口感鲜甜，味增味道非常突出。松露纹甲墨鱼🌟🌟🌟🌟🌟好特别既冷盘，松露油浸墨鱼，淡淡既酸味加上松露香，非常开胃，系一道精致美味既餐前小点。