大排檔小炒 (華發大廈)

营业中

休息中

天气冻冻地，心思思想试想食小炒，揾到间干净企理，长期人气高企嘅大排档小炒，六点几去到排晒长龙，十分受欢迎！盐焗奄仔蟹🦀盐焗奄仔蟹系大排档小炒嘅招牌菜，必点之选！奄仔蟹肥美啖啖肉，蟹肉嘅鲜甜同蟹膏嘅油香味完全融合，咬落去仲有鲜甜嘅蟹汁，一只真系唔够喉！好好食！鱼香茄子煲🍆鱼香茄子煲热辣辣，猪肉碎配上特制嘅豆瓣酱，茄子煮得入味稔身，茄子中和了肉碎的油腻感，送饭一流。西兰花炒鲜鱿🦑西兰花炒鲜鱿够晒镬气，热辣辣，西兰花以上汤煮有清甜味，鱿鱼十分新鲜，爽口弹牙，令人回味。