鮮‧港式串燒吧 (已搬遷) 新店位置

观塘工厦另类嘢食，一入到去就可以去射下飞标，如果想比赛，可以每人五大元就会自动帮你计分，可以消磨时间同娱乐一番。叫左鲜前菜三小碟，有枝豆，芥末八瓜鱼同日式鲍鱼，岩晒吹水饮野，又开胃。由于港式关系，所以唔少得鱼旦，肠仔、墨丸之类。盐烧鸡翼，少少海盐反而吃到鸡鲜味，粟米好甜，脆肉瓜同露荀好爽脆，不过有如去返读书时期既烧烤。值得一赞系猪颈肉同牛仔骨，38一份，份量足，火候十足，所以肉汁保存得好，猪颈肉配上自制酸辣汁，好惹味，牛仔骨可以点少少烧肉汁吊吊味。烧油甘鱼鲛都唔错，鱼肉嫩滑又多肉，同日式铺头有得挥。炸牛乳蟹肉薯饼，好香滑，加上淡淡蟹肉味，足料到一咬落去，爆晒牛乳出来，几特别。