農耕記 湖南土菜 (東港城)

营业中

休息中

将军澳东港城开了农耕记，今晚就同老公去呢间主打湖南土菜嘅餐厅试下。餐厅环境舒适干净企理，装修优美，价钱合理，如可以开大啲冷气更加好。第一次尝试湖南土菜，感觉十分良好，自行scan QR code落单。蒜蓉粉丝虾仁果然唔系预制菜，上枱即蒸的，上菜时一大锅蒜蓉虾仁放上炒粉丝上面用gas炉慢慢加热焗熟，侍应还比咗个漏斗仔我哋，话啲沙漏完就可以熄火，望住啲虾由生变熟，睇住都几得意。虾仁已全去壳，爽口弹牙，垫底的粉丝看似好深色, 但食落唔会过咸, 味道刚刚好，好入味有咬口。清炒毛白菜菜身肉厚够甜，清炒可以食到原汁原味。鱼汤白豆腐鱼汤豆腐清淡得来又足料，豆腐像豆花一样香醇软嫩，鱼汤又鲜美，系完美的配搭。砂锅煨猪脚猪脚入味，烩得好腍。香水柠檬茶大大杯好抵饮，1L巨量，茶味较淡，带淡淡的青柠味道，饮起来无苦涩味，味道清香，一杯可以二人饮，饮唔晒可以拎走饮。环境充满农家气息，地方舒适，无论食物、环境，以及服务都依然同深圳一样，店员服务友善，亲切有礼，价钱大众化，份量亦够大份，食物质素真的不错。