湘薈 (已結業)

星期日兩大一小童夜晚出街搵飯食…將軍澳真係變咗好多，呢度一連串既大商場真係會行到迷路，食肆係多但人就更多！同阿囡行去睇啲興趣班時，嗰一欄都係啲補習社既舖或地產舖，突然見到零零舍舍有間食湖南菜既餐廳，是新開無耐的，我地打量一番之後決定入去試試。京川滬既菜式食得多，但湖南菜我真係第一次試。因為要就小朋友，揀既菜式有限，三個人叫既份量亦有限，有啲特式餸菜遲吓再約朋友去試~蒸氣剁椒魚頭好震憾！上枱時係煙霧彌漫，好有視覺效果，魚頭俾我老公攪咗幾吓，否則望上去本應係靚啲~ 辣椒滿佈，我同老公都是愛吃魚的人，即刻趁熱食啦！條魚味道鮮甜，辣味香濃，刺激了味蕾的細胞，我特意挑了兩頰的面珠登肉俾阿囡品嚐，佢都好喜歡！乾鍋茶樹菇羊肚菌招牌主打菜 – 這菜是開住爐熱炆住黎食，這些菇菌味香氣四溢，味濃爽口，大人細路都啱食，好適合送飯，開住個爐食感覺好貼心。清炒時蔬出街食飯都不忘點一個菜食，雖然只是一個普通炒時蔬，但好夠鑊氣，不是求其的，三口子都食得好滿足。總結︰一間座位不多的小店卻有不少地道特式小菜給人意外驚喜，可惜地點不顯眼，但只要做得好，相信可以會讓更多人知道。下次一定要試吓佢地個酸菜魚、辣子雞、長沙臭豆腐