影片
更多
2014-07-25
5789 浏览
想黎布袋澳试海鲜好耐架喇 ﹗坊间传文依度既海鲜比西贡市更平更靓更抵，一定要黎睇睇啦 ﹗一直以为布袋澳系西贡市附近，原来要系大坑上山再去郊区再到海边架 ﹗终于黎到布袋澳，第一次黎完全唔识路，原来要穿过布袋澳村，走到海边就系食肆喇 ﹗见到只有两三间海鲜档，我上网睇过最多好评既系发记，所以一早订左位喇。我地一行五人决定唔食套餐，散叫既选择空间较大，先到海鲜档睇吓有咩好野先 ﹗叔叔们都好殷勤友善地讲解同推介，仲帮我地计埋份量，怕叫得太多食唔晒就会浪费，唔该晒呀 ﹗依度既海鲜种类非常多，食得更开心 ﹗食肆建系水上面，不过已用钢筋水泥钉实，但我梗系觉得飘飘地，朋友仔话我因为刚落船所以仲飘紧啰。望望个 menu，依度主打海鲜，所以其他小菜、小食、蔬菜都较少。而且佢地十点就 last call 架喇，要早啲到呀 ﹗豉椒炒蛏子皇，成日都系食蒜蓉粉丝好鬼闷，又已经叫左蒜蓉粉丝扇贝，今次想食得惹味一点，豉椒炒啦 ﹗我好怕煮蛏子煮得过火，会搞到又干又鞋啰。蛏子黎到喇 ﹗哗 ﹗非常满意 ﹗镬气十足，而且蛏子刚刚熟，好大只 ﹗鲜甜嫩滑又多汁 ﹗加上豉椒炒就更香口添 ﹗椒盐濑尿虾皇，卖剩最后一碟喇 ﹗我地九点几先到
张贴
