樂麵

营业中

休息中

难得嚟到葵芳，本来想去葵广扫街，不过实在太攰，要揾个地方坐下，于是就过咗新都会食拉面。先嚟个小食椒盐炸鱼蛋，一客两串共六粒，细细粒，热辣辣好弹牙，面头嘅椒盐又够惹味，于是食下一粒食下又一粒，眨下眼就食哂两串😂。真熬鸡白汤拉面，顾名思义，个汤先系主角，上枱时见汤底奶白色，上面有少少泡，几吸引，即刻饮一啖，哗！真系坚好饮，鸡味浓之余汤底又鲜甜，未开始食拉面已经饮咗三份一😆。配菜有猪鸡鸭溏心蛋同笋，味道正常，我觉得所有肉类肉质嫩滑，有啲似慢煮肉嘅 feel，唔错。至于拉面就一般，虽然我拣咗硬口感，但系可能因为面条偏幼，所以就唔太够咬口啦。由于鸡汤真系好好饮，最后我系饮到一滴不剩😌。