雲桂香米線專門店

营业中

休息中

今日突然米线瘾起，见到隔离有间云桂香，就入左去试试。其实之前都食过好多次，酸辣米线都几惹味，而当中我最钟意嘅系虫草花鸡汤米线～个汤底一直令我念念不忘。不过唔知系咪唔同分店制作方法有唔同，旺角店嘅水准实在一般。首先讲卖相，汤底颜色透明，有一层层油浮上面，虫草花少得可怜。睇落就好似一碗浸住几旧鸡同生菜，完全勾唔起我嘅食欲。-味道方面，同卖相一样，都系淡如水。我记得之前喺其他分店食过，汤底系有酒香，系好浓味嘅，但呢度淡茂茂，冇乜味道。而鸡肉口感亦都比较鞋，完全唔入味。-而杯奶茶劲重茶味，偏苦。-成个米线其实唔算特别难食，普普通通，及唔上其他分店嘅水准，应该唔会再食。