Thai Fire

大虾柚子沙律伴无骨鸡爪今次因为过敏走咗虾，呢道菜都清新又开胃，柚子酸酸甜甜，配埋无骨鸡爪嘅弹牙口感，好啱做头盘。鸡爪够哂入味，配埋沙律汁，唔会太腻，食完想再嚟多啲。椰子鸡汤汤底带住天然椰香，好清甜，鸡肉嫩滑唔柴，饮落仲有啲椰子嘅清润感，暖胃又滋润，冬天饮一流。汤底无多余嘅调味，真材实料，健康又好味。炭烧猪颈肉拼鸡肉及牛肉串烧烧烤香气十足，猪颈肉油脂丰富但唔腻，鸡肉嫩滑，牛肉串烧仲有少少焦香，啖啖都系满足感。配埋啲泰式酱汁一齐食，成件事升级！酥脆盲𫚧外皮炸到金黄酥脆，一咬落去脆卜卜，鱼肉鲜嫩唔会干柴。调味啱啱好，唔会抢走鱼本身嘅鲜味，配啲柠檬汁更加分，简单又好味。彩虹椰汁糕呢款椰汁糕又靓又好味，一层层彩虹仲可以撕出嚟，椰汁味香浓同埋口感滑溜，整体唔会太甜够椰香泰火特饮茶香清香扑鼻，玫瑰香气温柔细腻，饮落好舒心。唔会过甜，茶底清爽，口感轻盈。系一杯好适合饭后饮嘅花茶，帮助消化又放松心情。芒果沙冰芒果味浓郁，果肉仲系甜到漏，沙冰够幼滑，唔会太甜腻。夏天嚟杯呢个，清凉又解渴，仲有少少奶香，好满足！