金田家

营业中

休息中

今日同朋友行经铜锣湾买嘢！谂住食埋嘢先返屋企，但我地行咗好耐都唔知食乜，最后见到有间拉面店好多人排队，好似好好食，就决定试下！我地入到去，发觉餐厅唔系好大，但佢都唔系摆好多抬凳，所以坐落都好舒服！之后我地开始睇Menu啦，叫咗个鸡百汤豚骨拉面同埋黑松露拉面，小食就叫咗个男爵薯饼！首先要讲下个豚骨拉面，汤底非常浓郁鲜甜，而且佢拉面煮得刚刚好，食落好有口感，豚肉大大块，肉汁肥美，肥廋适中，而且仲送上一只温泉蛋！之于个男爵薯饼系店员推介，食落果然冇失望，两块分别系牛肉薯饼同紫薯薯饼，佢外层炸得金黄松脆，但食落唔系好油腻，而我比较喜欢紫薯味，因为味道好浓，口感丰富！我仲叫咗一杯叫可尔必思既嘢饮，睇个名真系估唔到系咩呢？最后问咗店员原来系乳酸饮品，饮落都好特别，好似香焦奶昔沟益力多，配埋冰粒，非常消暑，好适合夏天喝！所以大家有机会一定要试试！