無老鍋

营业中

休息中

好耐之前喺台湾旅行食过，开咗嚟香港之后一直都好想食，今日两个人打边炉决定去试一试；单点边炉预咗价钱贵啲，但系食物质素、服务态度都会好啲，果然一入到餐厅，气氛零舍唔同，气派装修，座位阔落，落地玻璃，环境舒适，我地两个人坐卡位，柜桶仲好贴心有叉电线😆汤底我哋选咗鸳鸯锅，👉🏼冰淇淋豆腐锅+无老辣香锅（每位$78，鸳鸯锅每枱另需收费$88），两款都好好食，味道层次几丰富，唔会得个死咸，冰淇淋豆腐其实都系过下瘾，食落同鱼腐差唔多，口感软绵绵，而辣香锅就唔算好辣，免费任加嘅冻豆腐&鸭血索晒汤好正，店员会主动埋嚟添加，我哋都加咗两次！任食嘅白饭用上珍珠米，加汤捞饭忍唔住食晒成碗👉🏼上选牛小排 $368开头睇相以为份量好少，但系原来啲肉下面都叠得几多，牛肉味几浓，油花均匀，肉质软嫩👉🏼梅花猪肉拼去骨鸡髀肉 $128猪肉嘅质素都唔差，肥瘦适中，口感结实，肉味香浓。鸡肉就正常质素，入口唔会鞋👉🏼综合丸 $128最钟意虾丸，真系有成只虾喺入边，好弹肉，系自家制嘅手工丸，真材实料有惊喜👉🏼综合饺 $118一次有晒三款饺，台湾独有嘅蛋饺，蛋皮香滑香，猪肉馅唔多，另一款都系来自台湾嘅燕饺，鱼皮饺就正常质素食到最后