農米莊

营业中

休息中

今次系第一次食农米庄，去到嘅时候都多人，所以要等位。入到去谂咗阵，就嗌咗黑蒜鸡汤米线加猪软骨同冻柠茶。我朋友就嗌咗药膳鸡汤米线加鸭血。等咗阵两碗面都到齐碗面一嚟到，我就比佢个汤吸引咗，饮咗几啖先开始食。个汤酸酸咸咸咁，但又几好饮，重点系间铺标榜冇味精！佢个米线喺米线铺嚟讲都几唔错，条条分明又吸到汤，鸡件就一啲滑一啲谐。但整体都系个汤底提升咗碗米线级数。但要提一提个鸭血，食落唔太入味，食唔出系鸭血，而且个猪软骨系醋猪软骨，唔钟意食甜嘅猪软骨就记得留意