永合成馳名煲仔飯

营业中

休息中

对上一次食已经系疫情期间去西营盘做检测𠮶时，有朋友住港西，话煲仔饭出名。上次饮埋佢地个汤就一直记住！今日难得平日日头嚟开西环，处理好事务就止渴一下。时间大约1点，午饭时间，店中9成半满座，我一个人勉强可以安排到座位。楼面有两位姨姨负责，坐低可以慢慢睇Menu，我就先叫咗一个例汤（有三个size)栗子合桃淮山红萝卜猪骨汤（大HK$30)作为一个汤怪谂都唔使谂就一定系要大，大碗对我嚟讲其实都依然唔够饮！因为煲仔饭系即叫即整，所以都要预10至15分钟。北菇滑鸡煲仔饭（$90）加腊肠（$20）每个煲仔饭都系即叫即整，如果要饭焦系要另外要求及加钱，我就冇加饭焦，其实无咁香口⋯某程度食煲仔饭其实要有啲饭焦夹埋一齐咁先会更香更正。一个煲仔饭计计埋埋都成旧水都咪话唔贵不过唔系成日食，系秋冬天食，所以豪一豪。煲仔饭上枱𠮶时姨姨有温馨提示，佢哋嘅豉油系咸豉油嚟嘅，叮嘱唔好落太多会太咸。佢系一个合格嘅煲仔饭，但又未去到难忘。