住家菜 (已結業)

想食得「无添加」d, 见呢度标榜无味精, 仲有乜都有的一人份量 set lunch ($55), 0黎试试佢个梅菜蒸肉饼.「是日例汤」系粟米红萝卜猪骨汤, 又真系无味精㖞, 饮落清润, 好似屋企煲0既咁; 粟米细细件, 爽爽甜甜; 连卖相「汤渣」的猪骨都好正, 「窿窿罅罅」内的肉好松化鲜甜, 「轮」得过瘾 令人满意的一碗住家汤, 值得试试.梅菜蒸肉饼亦系住家的味道 -- d 汁好惹味, 送白饭一流; 肉饼弹牙肥美, 不过梅菜就好多「沙」0下, 食到「霹雳啪0勒」, 可惜.仲有「是日甜品」冬瓜水 (热食), 卖相似咸汤多 d, 食落好清甜, 冬瓜清香味好出, 十足0系台北华西街夜市饮过0个只「冬瓜茶」, 清热解渴, 唔错唔错.环境干净光猛, 梳化椅已好坐; 招呼就一般.$55 饱到上心口, 好食又比出面好多餐厅健康, 抵食. 铜锣湾食肆选择虽然多, 但无落味精的餐厅我相信一只手数得晒, 呢度绝对帮衬得过的.可能你会问, 既然系住家菜, 点解要出街食, 唔自己郁手煮?咁... 都要识煮先得0架!