阿久根和牛拉麵屋

营业中

休息中

鼎爷儿子李泳豪所开既拉面店，之前开和牛立烧店，依家再开拉面店，主打和牛沾面、鸡白汤拉面，价钱亦唔算贵。环境位于旺角美食区「烟厂街」门面比较少，好易错过入口，不过门口有幅比大家挂心愿既墙。店内座位亦唔多，约十余个，系小店面积同设计，而落单方面系选用机器自行购买，中午时分未有沾面供应，要晚上先有，咁就试佢地既拉面。北海道香蕉朱古力脆饼 $28本身想试苦瓜饺子，但好早就售罄！试下香蕉朱古力脆饼，食落唔太甜，又带香蕉味，都几match。灸烧豚肉·浓虾汤拉面 $80另外加左慢煮A4和牛一片($45)，豚肉烧得好靓仔，仲有成三片，肉质十分松软且带少许肥膏，高质豚肉，而A4和牛属薄切，但肉味都颇浓。至于浓虾汤唔油腻，带微微虾味，较重口味岩我！慢煮萨摩鸡·浓厚鸡白汤拉面 $90汤头十分雪白，一呷好浓郁而且带鸡既鲜味！有啲似卡邦尼但冇咁稠，鸡肉滑身带黑椒香味，同样浓郁，同虾汤一样咁好食。总括而言，店舖虽小，菜单选择亦唔算多，但麻雀虽小，五脏俱全，汤底系比较岩我呢啲重口味既人，但又一啲都唔油腻，味道中上水平，肉类都处理得不错，系旺角区多一间食拉面既选择。