勁餃笑

营业中

休息中

今日星期五，得我自己一个食晚餐，又唔想喺屋企煮，于是就谂住简简单单食饺子，知道红磡呢间人气好高，而且网上面仲话好多好得意嘅猫猫装饰，于是就入咗嚟，果然真系猫猫迷，餐厅周围都有劲多超得意嘅猫猫摆设。呢度食物质素真系超水准，今日我叫咗椰菜猪肉汤饺，饺子皮厚到高刚好，入面嘅馅料亦都好饱满，椰菜切到一粒粒，特别有口感，不过重点其实在于个汤底，真系觉得食过汤饺之后系唔会舍得食煎饺，因为个汤底真系超级无敌好饮，店员都话个汤底系真材实料牛仔，完全冇落味精，我再细问，佢先讲原来落咗哈密瓜，难怪我识到有一种熟悉，但系又神秘嘅味道。之后我加点咗两个小食，分别就系蚝油紫菜同埋凉拌菠菜，成个感觉即刻好健康。凉拌菠菜系用咗有子汁，冇谂过原来咁样嘅配搭都几清新，菠菜加埋甜甜地嘅柚子酱真系几好食。 至于饮品我就要咗季节限定嘅自家制苹果雪梨水，冇谂过佢喺罐装咁样上，的确系几清甜几好味。差啲忘记讲，当然一定要用埋自家制辣菜圃，饺子先够正，每次落单都可以免费要一碟。