影片
更多
2024-03-09
372 浏览
云桂川风味米线 Wan Gui Chun Flavor Rice Noodle📍湾仔轩尼诗道107号地舖平日放工，一心谂住同朋友去食湾仔嘅手工饺子，点知未够七点就已经满座，门口仲有人排紧队，呢个情况下，我哋当然系立即转plan啦。可能正值晚餐时段高峰期，间间餐厅都无位，附近嘅冰室早排先食完，所以拣无可拣，我建议去食粉食面就算。醒起平时放工搭巴士见过有间叫云桂川嘅米线舖，仲有一两台吉台，我就同朋友转场去食。 💰$34 (加$7有两款配料)云南酸辣汤小锅米线 🍜店舖有提供配好料嘅饭面套餐，亦有类似车仔面叫𩠌嘅认识，自选不同配搭，自由度都几大。我同朋友都想自己拣配料，所以就拎咗张纸嚟填。汤底口味方面，有三款供以选择：云南酸辣汤小锅米线、云南上汤小锅米线同四川麻辣汤米线，跟汤附上嘅配料都系离不开腐皮、芽菜、韭菜同酸菜呢啲啦。食客可以自选辣度，叫唔辣食清汤都得，同一价钱都系$34，喺轩尼诗道大街嚟讲，算系好贴地嘅价钱。佢哋提供接近50种配料，有啲要加钱，但大部份都系加$7就食到两款，价钱方面真系赢咗好多人。好可惜嘅系，佢嘅味道同卖相都令我哋大失所望，一心以为云XX嘅米线就系被人吹奏得好劲，话世一
📍湾仔轩尼诗道107号地舖
平日放工，一心谂住同朋友去食湾仔嘅手工饺子，点知未够七点就已经满座，门口仲有人排紧队，呢个情况下，我哋当然系立即转plan啦。可能正值晚餐时段高峰期，间间餐厅都无位，附近嘅冰室早排先食完，所以拣无可拣，我建议去食粉食面就算。
醒起平时放工搭巴士见过有间叫云桂川嘅米线舖，仲有一两台吉台，我就同朋友转场去食。
[价钱 Price]
💰$34 (加$7有两款配料)
云南酸辣汤小锅米线 🍜
店舖有提供配好料嘅饭面套餐，亦有类似车仔面叫𩠌嘅认识，自选不同配搭，自由度都几大。我同朋友都想自己拣配料，所以就拎咗张纸嚟填。汤底口味方面，有三款供以选择：云南酸辣汤小锅米线、云南上汤小锅米线同四川麻辣汤米线，跟汤附上嘅配料都系离不开腐皮、芽菜、韭菜同酸菜呢啲啦。
食客可以自选辣度，叫唔辣食清汤都得，同一价钱都系$34，喺轩尼诗道大街嚟讲，算系好贴地嘅价钱。佢哋提供接近50种配料，有啲要加钱，但大部份都系加$7就食到两款，价钱方面真系赢咗好多人。
好可惜嘅系，佢嘅味道同卖相都令我哋大失所望，一心以为云XX嘅米线就系被人吹奏得好劲，话世一𠮶种，点知会同想像中咁大出入。首先讲下个汤底同附有嘅配料，每样都失去咗原有嘅味道，腐皮无豆味，韭菜无香味，精髓酸菜酸都唔酸下，口感仲唔腍唔爽，有少少奇怪。虽然唔会好似食完连锁米线店啲重味精米线咁口渴，但呢个汤底毫无层次，我哋叫咗BB辣，只系睇到少少辣油浮面，但完全食唔到辣味同酸味。
其次系份量，我都出晒名系细胃王，但食完成碗我都仲想食返串烧卖充饥，可想而知米线量系有几多。只想配搭方面，我拣咗卤猪耳仔同卤猪肚，而朋友就拣咗猪颈肉同鲜虾云吞。我会拣晒两种卤水因为我一向认为呢类云南米线舖头，煮呢类食材会好食啲。问心个句，其实佢嘅卤水味唔差，两款配料都好入味，但猪肚实在太腍，腍到无晒口感，不过猪耳就还好。
朋友叫嘅鲜虾云吞都好大粒，虾肉都叫弹牙，拖尾亦做得几好，但就无咩味道，而且只有两粒，有少少唔够喉。全场唯一可以赞得落口嘅，应该只有猪颈肉。我未食过呢种味道、呢种口感嘅猪颈肉。佢望落有少少似切咗件嘅炸猪扒，而表皮的确系因为落镬炸过所以有少少香脆。我哋都几欣赏佢嘅口感半腍半爽，恰到好处，调味唔会过份重手，食到少许猪肉本身嘅鲜甜，有少少惊喜。
总括嚟讲，呢度食晚餐价钱真系平通街，不过整体食物质素有待提升。如果粮尾无钱开饭，嚟呢度食返碗米线都应该可以顶到饿一阵，不过可能要再食少少宵夜啰。
张贴
