影片
更多
2020-06-18
1108 浏览
[🇰🇷韩式饭卷Kimbap🇰🇷] Kelly’s Cape Bop/一间位于湾仔嘅韩式外卖店，已经连续5年荣获米芝莲推介之街头小食😮👍🏻。老板系一位韩国妈妈，最初系为咗整健康又有营养嘅饭卷比囡囡食，整下整下就开埋舖头。入面卖嘅都系好常见嘅韩式料理🇰🇷，有拌饭、炒年糕、炸鸡块同埋煎蛋卷等等。第一次去食，就试下佢哋主打嘅紫菜饭卷，佢哋嘅卖点就系行健康路线，啱晒我呢啲食菜兽🤣。/猪肉紫菜饭卷 🐖 ($70)牛肉紫菜饭卷 🐂 ($70)-前菜 - 泡菜萝卜丝：唔算辣，蒜蓉味重，味道正常。前菜 - 腐皮：虽然似比辣汁腌过，但入口冇咩味，而且较淋身，细细片+淡味食落好唔实在。-饭卷望落就好吸引，五颜六色🌈，细心数下会发现有胡萝卜、酸萝卜、青瓜、牛蒡同蛋丝，蔬菜嘅份量都占咗成个卷嘅一半，有种好清新健康嘅感觉，但肉类都冇比少到，正正就达到营养均衡嘅原意。外型比一般饭卷嘅Size大，不过食哂佢都唔怕肥。-咬落口完全感受到各种蔬菜嘅清新同爽脆，有种置身园野🌿嘅感觉，非常健康，因为切到一丝丝，可以咬到「ChokChok声」，不过口味真系偏淡，追求味道丰富嘅朋友就未必钟意。-至于猪肉🐖同牛肉🐂就相对普通，口味
/
一间位于湾仔嘅韩式外卖店，已经连续5年荣获米芝莲推介之街头小食😮👍🏻。老板系一位韩国妈妈，最初系为咗整健康又有营养嘅饭卷比囡囡食，整下整下就开埋舖头。入面卖嘅都系好常见嘅韩式料理🇰🇷，有拌饭、炒年糕、炸鸡块同埋煎蛋卷等等。第一次去食，就试下佢哋主打嘅紫菜饭卷，佢哋嘅卖点就系行健康路线，啱晒我呢啲食菜兽🤣。
/
猪肉紫菜饭卷 🐖 ($70)
牛肉紫菜饭卷 🐂 ($70)
-
前菜 - 泡菜萝卜丝：唔算辣，蒜蓉味重，味道正常。
前菜 - 腐皮：虽然似比辣汁腌过，但入口冇咩味，而且较淋身，细细片+淡味食落好唔实在。
-
饭卷望落就好吸引，五颜六色🌈，细心数下会发现有胡萝卜、酸萝卜、青瓜、牛蒡同蛋丝，蔬菜嘅份量都占咗成个卷嘅一半，有种好清新健康嘅感觉，但肉类都冇比少到，正正就达到营养均衡嘅原意。外型比一般饭卷嘅Size大，不过食哂佢都唔怕肥。
-
咬落口完全感受到各种蔬菜嘅清新同爽脆，有种置身园野🌿嘅感觉，非常健康，因为切到一丝丝，可以咬到「ChokChok声」，不过口味真系偏淡，追求味道丰富嘅朋友就未必钟意。
-
至于猪肉🐖同牛肉🐂就相对普通，口味依然偏淡，略带些少咸味，肉汁亦有限，始终走健康路线，都明白会摆少啲调味落去。个人觉得如果肉类嘅味道重返啲，再配合清淡嘅蔬菜，两种味道夹埋应该会几正。
-
而白米同黑米食落分别唔大，亦冇咩特别味道，黑米嘅质感会更粒粒分明，同埋⋯⋯健康啲啰。
/
总结嚟讲，以饭卷嚟计，价钱贵咗啲，可能一部分钱系比落健康度。另外，我自己间唔中都会食下素，所以会接受到呢种较淡嘅味道，对于食唔惯淡嘢嘅人，呢种食物就未必啱口味。
-
顺带一提，老板态度好好又有礼，见到有外卖员满头大汗💦咁嚟到，会请佢饮冰冻嘅汽水特饮🍹。
张贴
