一起食堂 (軒尼詩道)

营业中

休息中

同朋友啱啱去完湾仔会展睇展览，已经好肚饿，行行吓就撞到「一起食堂」原来开咗分店。一于决定再试试！因为太耐无食台湾野，我叫左个花雕麻油鸡汤面，一碗热辣辣嘅汤面上嚟。鸡肉好嫩好多汁，仲有麻油嘅香味，汤底清澈又有味道，另外仲俾咗一杯花雕酒可以直接加落碗面度，每一口都充满酒香，另外仲有两只大冬菇同一啲配料。之后，当然唔少得食牛肉面，朋友叫左一个红烧三宝牛肉面！真系好吸引人，足足有四大嚿牛肉，另外仲有一旧红萝卜同一嚿白萝卜。牛肉经过红烧嘅烹调，好鲜嫩多汁，一咬就化喇。弹牙嘅面条同浓郁嘅汤汁一齐食，真系好满足。我哋仲嗌咗一份盐酥鸡，每一块盐酥鸡都炸得金黄酥脆，一咬落去有好香脆嘅口感。外层嘅盐酥调味刚刚好，又唔会太咸，食到停唔到口！比较特别系一度叫府城虾卷的小食，系我哋嘅下一道惊喜。脆脆嘅外皮包住鲜嫩多汁嘅虾肉，每一口都充满海鲜嘅鲜甜。再沾上佢哋特制嘅酱料，虾卷嘅味道更加丰富，令人回味无穷。最后，我哋叫咗杯仙草奶茶，正正常常。