珍豆漿 (已結業)

平时经过湾仔道一直都未试过珍豆浆，今日有同事介绍就一于去试试主打素食嘅餐厅🍴😋平时lunchtime都好少食菜，黎到珍豆浆可以食多啲菜，食得健康啲👍🏻餐厅唔大，大约坐15人左右，位于餐厅中间位置嘅座位稍为逼少少。嘢食方面有饭、米粉、荞麦面、乌冬等配搭。大部分餐都跟豆浆（唔需要额外加钱）。我叫左个常餐：八宝荞麦面跟豆浆（$44），价钱抵👍🏻两位同事叫左饺子荞麦面、豆腐花同饭团。当中饭团最特别同好食👍🏻，里面有红豆&埋藏左个油炸鬼，份量都好够。豆浆稍为淡左啲。八宝嘅𩠌有玉米粒🌽、红萝卜丝🥕、素鸡、紫菜、生菜、豆卜、素叉烧&素牛展。卖相十分吸引，好colourful，清汤底，面嘅份量可以多少少就perfect喇。下次会黎试试其他嘢食👍🏻