一番風味 (已結業)

昨天我和家人来湾仔这间新开的一番风味中菜餐厅食饭，这里地方间隔几好，台与台之间不会太逼，一坐低就有侍应放低茶水，打开餐牌，有两页都系海鲜，就知道应该以海鲜做主打的餐厅，由于不知道食咩好，就问侍应有咩好介绍，距就话膏蟹粥系呢度招牌，一定要试.我地一家四口就点咗一个膏蟹粥，一个银谂碌鹅（吖妈话这个菜式好少有餐厅酒家会做，所以想试下）一个蒜香炒龙趸球和一个啫啫芥兰，落完order，望一望隔离周围，发觉原来台台都有叫蟹粥，搞到当刻想快D试一试个粥，不过厨房出餐速度还算快，等咗一阵个蟹粥就送来，一打开盖，一阵浓郁鲜味，个粥金黄色，望落好吸引，搅两搅，膏蟹不是流料，系劲多蟹膏，原来个粥可以熬到变金黄色，都系要膏够多(我觉得），食落粥底绵滑鲜甜，只蟹都算颇大只多肉，份量亦很多，4人食不会嫌少先，呢个膏蟹粥可以话系有水准的诚意之作，值得一试再试，其他野大概等咗20分钟就上齐，炒龙𧄌球亦做得好好，不同与传统粤菜，呢边做法将班球煎炒到起焦，但不会过火，滑得来又香口，西芹爽口，水准比某些大酒家还好,碌鹅都几特别，酸酸甜甜，𩠌饭一流（第一次食），啫啫炒芥兰，锅气十足，炒的爽口，不会太软身.总结成餐饭都好满意，