Odelice! (蘭杜街)

好耐冇食過crêpe，今晚又嚟到灣仔的 Odelice! 食晚餐，餐廳嘅裝修好舒服，好適合同朋友聚舊傾計。朋友返工返到心情暴躁，先叫咗杯花草茶，杯茶用咗法國田園有機植物、花卉同乾果，香氣非常迷人，尤其係薰衣草嘅味道，令人覺得好放鬆，第二泡仍然充滿了花香。我叫咗一杯清新甜美的 Pomegranate Mojito，成杯酒粉紅色，充滿少女心。前菜生牛肉他他，這道菜的酸酸地味道非常開胃，而且可以配多士一齊食。牛肉的份量也非常多，吃得好滿足。主菜有法國油封鴨髀，鴨髀嘅油脂香氣十分誘人，脆皮口感好正，加上砵酒醬汁之後，可以減輕油膩感。配菜薯糰丸子也非常煙韌，仲有皺葉酸菜。另一樣主菜馬賽龍蝦海鮮鍋，餐廳落足料，有半隻龍蝦、黑青口、大蜆、盲糟魚、魷魚，仲有幾塊包點湯食。湯汁有香濃嘅番茄味，加上一些蔬菜，令整道菜色更加健康美味。最後，我哋叫咗火焰橙酒可麗餅，呢道甜品非常霸氣，上菜之後侍應會用真火的烤焰，可麗餅有橙味果jam同幾片橙，令橙味非常突出，搭配雪糕一齊食，非常吸引。