老北京

营业中

休息中

同同事预早庆祝中秋节，谂住食好啲，就比我地揾到哩间一人只需$80就可以有一个主食加一碗饭，再任食京式凉菜、粥同任饮例汤嘅北京菜嚟试。我地一行5人拣咗以下主食：🐔鸡丝粉皮：所选用嘅粉皮系比较厚身𠮶种，口感非常好，QQ的~🐑葱爆羊肉：羊肉唔会太膻🐖京式回锅肉： 好惹味，送饭一流，可惜回锅肉件数较少👵🏼麻婆豆腐：选用嘅豆腐系略为硬身嘅，个人较喜欢软滑型嘅豆腐。另外，酱汁唔会太辣，而系偏麻𠮶款🥟高汤小笼包：小笼包嘅肉馅有锁住肉汁，不过就唔系咬开会爆汤𠮶种。同埋佢系比较京式风味，用嘅皮系较厚身的🌱京式凉菜：凉菜之中我地最钟意个拍青瓜，除咗味道带酸够醒胃外，佢仲有好多粉皮喺入面，换咗酸味嘅粉皮，同头先配鸡丝嘅比又有唔同嘅滋味～🍲粥：粥系以绿豆同小米煮成，餐厅仲放咗一盒白砂糖比大家加落个粥度食。本身味道偏淡，加咗糖之后，食落好似绿豆沙咁，都几特别，不过啱唔啱口味就真系见仁见智。🍲例汤：好有住家感觉嘅红萝卜粟米汤，都几足料。总括嚟讲、老北京又抵食又有多款主食可以选择，有时谂唔到食咩，不妨去食吓~