牛壹台食 (已結業)

寻晚系湾仔食咗间台湾嘢叫做「牛壹台食」，我哋叫咗招牌红烧牛腱心牛肉面、金凤梨红茶、海苔盐酥鸡、台式卤肉拌饭同埋皇牌珍珠鲜奶茶。招牌红烧牛腱心牛肉面 - 我选择咗唔要辣，有两块牛腱肉、一旧应该系牛腩同埋一旧牛筋，先讲汤底，因为好啱我口味😋佢哋红烧汤同一般嘅唔相同（可能我哋走辣嘅关系）觉得佢哋汤比较鲜甜，我劲like 👍🏻牛腱肉、牛腩同埋牛筋都好淋兼且入味。酸菜唔会太咸或太酸，绝对系帮牛肉面加分！同埋佢哋标榜系鲜制幼面，面质更好食，而且比较健康。台式卤肉拌饭 - 佢哋嘅卤肉唔似出面嘅只有碎肉，呢度嘅肉系有大有细、形状不一，似系手工切肉，所以口感上比较丰富。而味道方面都系偏向甜啲，所以又中我口味🥰碗内重有半颗卤蛋、小棠菜、酸菜同埋日式腌渍黄萝卜片。