樂農 (已結業)

平日返工午餐都系肉多菜少，间唔中都想食餐素，食得健康啲养下生咁。系同事嘅介绍下黎到呢间，食素嘅，但唔系果种用味精色素扮肉嘅素菜，系真系食斋嘅，叫餐系先攞张点餐纸选好款，先付钱，再攞餐，同大家乐大快活一样。每日有6款菜，我拣左蕃茄薯仔，沙哆汁茄子&南乳斋，配糙米饭。仲有两款甜品拣，芝麻糕&姜汁蕃薯糕，我就选择试下姜汁蕃薯糕。佢出餐好快，大概2分钟就齐哂。三款𩠌都好足分量，唔似饭堂丫姨只手抽筋冇左大半碗，加上会送例汤，可以唔洗叫饮品，汤头好好饮，应该去过油，望落好清冇乜油系面，饮落清甜冇味精味👍🏻 三样𩠌都好好食，当处中最推南乳斋菜，入味又多料，唔会咸。蕃茄薯仔亦煮得够淋。中午想食健康，我会推荐呢间，服务同食物都系上流，但价钱实惠。另外好欣赏佢地会请聋哑人士做楼面，好有爱心嘅一间餐厅，其他员工都识手语沟通，要俾个like👍🏻