梅之味 (麗都大廈) (已結業)

琴日响湾仔等朋友收工，佢话想试下新野，经过呢间主打台式料理既餐厅，见餐牌上款式几多，有些菜式系其他餐厅亦好少见，决定入黎试一试我地叫左蚵仔酥（$68），热辣辣即炸，且口感酥脆，店员建议将蚵仔酥蘸自家辣椒酱食，虽然唔算好辣，但令蚵仔酥既味道即时提升，好惹味！朋友话想试下左宗棠鸡（$118），佢话系香港比较少见呢个菜式，而我就第一次食！卖相好吸引，鸡件嫩滑，而外皮炸得香脆，淋上糖醋汁但酸度无咁明显，感觉似食紧韩式炸鸡，一家要试！另外，我地仲叫左台式香肠炒饭（$82），亦系呢度必试之一～香肠切粒，油香味十足，而蛋炒饭炒得干身且粒粒分明，配埋切左丝既高丽菜，增添一份爽口，十分好吃！最后，我地仲试左冻既珍珠奶茶（$28），店员话可以拣少冰少甜，岩哂想饮但怕肥既人士～整体黎讲，呢度环境光猛，而且干净企理，看得出店主重视餐具既卫生，这一点令我印象深刻！另外，店员态度亲切，会主动介绍餐厅既招牌菜同帮忙加水，绝对能照顾顾客的需要！