影片
更多
2025-02-05
0 浏览
《一生悬面》塩味鸡🐓汤拉面🍜📍旺角通菜街73号地舖香味 (2.5/5)因为塩本身冇味，论香味，不嬲塩拉面都比较蚀底d。鸡油嘅香味淡淡然，唔系太明显，而个鸡汤本身嘅香味都有不过得少少。汤 (3.5/5)我觉得算系我钟意嘅淡丽风，咸度中偏淡。呢个汤反而唔系咸鲜味同鸡味行先，一来就系鲜甜味，鸡味紧随。整体都系好饮，算系有记忆点嘅一款汤。面条 (4.5/5)中细面，小曲，高加水。以高加水面来讲都算称职，滑溜又爽滑。因为个汤本身偏清淡，面嘅味道系清楚食得到。特别想赞一赞，呢款面由头食到尾，都冇嘅碱水味，就算有都系仅仅的一丁点。如果你讨厌碱水味嘅话，你一定喜欢呢款面。配料 (3/5)鸡汤面，配料嘅主角当然系鸡叉烧啦。慢煮鸡胸，算滑但唔算嫩，口感反而偏爽。可惜肉味相当的淡，我不断说服自己呢块系鸡肉咁去食，认真麻麻。再来猪叉烧。睇肉嘅纹理似系猪肩肉，都系慢煮，偏瘦但因为慢煮关系，口感都尚算软熟。肉味都系偏淡，冇猪肉应有嘅甘香。笋干方面，有好有坏。味道系唔错，不过有条有渣有条冇渣，质素参差左d。溏心蛋系好值得重点一提。生熟度一流之余，个塩味系神奇地入左个黄，而个蛋白反而系jj较淡身。因为个黄够晒蛋香又够
📍旺角通菜街73号地舖
塩味鸡🐓汤拉面🍜
$78
0 浏览
0 赞好
0 留言
香味 (2.5/5)
因为塩本身冇味，论香味，不嬲塩拉面都比较蚀底d。鸡油嘅香味淡淡然，唔系太明显，而个鸡汤本身嘅香味都有不过得少少。
汤 (3.5/5)
我觉得算系我钟意嘅淡丽风，咸度中偏淡。呢个汤反而唔系咸鲜味同鸡味行先，一来就系鲜甜味，鸡味紧随。整体都系好饮，算系有记忆点嘅一款汤。
面条 (4.5/5)
中细面，小曲，高加水。以高加水面来讲都算称职，滑溜又爽滑。因为个汤本身偏清淡，面嘅味道系清楚食得到。特别想赞一赞，呢款面由头食到尾，都冇嘅碱水味，就算有都系仅仅的一丁点。如果你讨厌碱水味嘅话，你一定喜欢呢款面。
配料 (3/5)
鸡汤面，配料嘅主角当然系鸡叉烧啦。慢煮鸡胸，算滑但唔算嫩，口感反而偏爽。可惜肉味相当的淡，我不断说服自己呢块系鸡肉咁去食，认真麻麻。
再来猪叉烧。睇肉嘅纹理似系猪肩肉，都系慢煮，偏瘦但因为慢煮关系，口感都尚算软熟。肉味都系偏淡，冇猪肉应有嘅甘香。
笋干方面，有好有坏。味道系唔错，不过有条有渣有条冇渣，质素参差左d。
溏心蛋系好值得重点一提。生熟度一流之余，个塩味系神奇地入左个黄，而个蛋白反而系jj较淡身。因为个黄够晒蛋香又够味，配个淡口嘅蛋白去食，个反差令我留下非常深深印象。可惜嘅系，叉烧部分有d失色，只蛋更好食都唔能够单天保至尊。
整体 - 小推荐 👍
越来越多店做塩味鸡汤面，有d店嘅质素比呢间店明显优胜。但基于呢碗面论性价比系唔错，而个塩鸡汤本身几好味，面好食，同只蛋神奇地好食，所以绝对有一试嘅价值，因些小推一下。
题外话/补充资料：
顺带一提，呢间店选用嘅碗系直身碗(扇形)，都算几少见㖞。
(以上食记乃用户个人意见 , 并不代表OpenRice之观点。)
张贴
