北方餃子源 (榮華商業大廈) (已結業)

落大雨，铜锣湾食野度度都贵，南记又觉得麻麻地，好彩系Openrice揾到呢间饺子店，一听到饺子两个字已经食指大动，即刻走去食！去到可能因为落雨关系，仲有好多位净，大约6成满。与其他饺子小店不同，店员很多，服务很周到。牛肉碎味道很出，面条弹牙得黎吸哂汤的精华，每一啖都系花生既香味！一般担担面会配花生同腌菜，北方饺子源则配黄豆，可以清一清牛味的霸道，对比起花生既脆卜卜，咬落去粉粉地既黄豆同面条更夹，有口感得黎，又唔会太寡，再带少少辣味，过瘾！对比担担面，饺子面的汤底清得多，更突显饺子既鲜味，面条较粗，面质比较粉，我比较爱担担面既面质饺子配以蒜泥、醋、鼓油混调而成的酱汁，牛的霸道稍被蒜泥驯服。本身仲叫左鲜肉露荀饱贝饺，因为好快就食哂既关系，无影到相，贝鲍为超细粒鲍鱼仔，配嫩口露荀，完全无腥味，特别爱露荀既口感，清新得黎，唔会好似荸荠咁爽，同馅料好夹，又一特别、清新之选！