常溫

营业中

休息中

咩叫做「常温」？我谂可以理解为一般室温，让人嘅体感觉得舒服，至于有无一个特定嘅温度，相信唔同地方嘅人对此嘅感觉都会好唔同。但晌新蒲岗大有街嘅呢间「常温」，唔喺讲天文，而喺食友推介嘅饼店，介绍佢哋嘅戚风蛋糕有几得。而今次，佢就顺路买咗其中两款口味俾我试试。云石巧黑力味 $13佢哋所做嘅戚风蛋糕，无市面其他嘅戚风蛋糕做得咁花巧、咁讲求卖相，外观比较原始啲，有原个或片装，友人所送嘅就喺片装。睇样就知朱古力部份都占几多，所以，入口朱古力味都几浓郁，蛋糕嘅口感几轻盈。和风柚子味 $13另一款嘅柚子味，食落感觉好清新，柚子味亦比预期中突出，而且，唔会一种死甜嘅感觉，再讲讲佢嘅口感，轻盈之余，回弹力几强，咬落极之松软。事后再睇睇其他人撰写嘅食评，原来，「常温」都有几多产品，如瑞士卷、杏仁豆、果酱、蝴蝶酥……等等，有机会过开去再试试佢哋其他产品。