叁嘗 (已結業)

今日同前同事食饭，佢住系天后，介绍咗佢认为天后最抵食嘅餐厅，就系叁尝啦！餐厅比较细，只要四五枱座位，但唔会话好迫。- 香辣白酒煮蚬扁意粉蚬肉唔算太大只，但胜在内质肥美，加入白酒辣椒可谓完美配搭，不过个人认为扁意粉太硬身。- 香煎鲈鱼配白酒忌廉汁外皮煎到金黄色，肉质滑溜，鱼肉味道比较淡，配上忌廉汁非常合适。配菜有薯仔、蕃茄等等。- 叁尝卷卖相十足太极图，一边系原味沙律酱，另一边系辣味沙律酱。餐厅用左绿色豆纸取代紫菜作为外皮，卷物唔会容易散开。入面有吞拿鱼、炸虾同牛油果，味道和谐丰富。- 比利时窝夫雪糕雪糕拣左豆腐口味，窝夫即叫即整，形状系少见既圆形，口感外脆内软，另外配上蜜糖，份量可以自行决定。整体而言，食物以叁尝卷最有惊喜，另外服务几好，上菜速度亦快👍🏻