Han Ban Korean Restaurant (已結業)

前几日同朋友一家大细在新蒲岗觅食，见到康强街小巴站有间韩国料理睇落环境干净企理，而且刚好有位，即兴入去试下啦。坐落点好餐冇耐，老板娘（韩国人唔识讲英文）亲自送上来一碟碟小菜，一数竟然有九样，每碟都摆盘精致得令人感动。后来埋单才知道小菜全部免费，太让我地惊喜啦。我地每人点咗喜欢的菜肴，食完都舔舔脷话好好味（挂住食唔记得影相），有种在韩国人屋企里用膳那种家的味道。临走时老板送比小朋友口香糖，攀谈几句原来他们夫妻刚刚顶手这间餐厅，上手经营得唔理想，佢地要扭转客户印象唯有用心从细节，卫生，口味各方面做好。短短用餐一个钟可以感受到佢地的用心，新蒲岗就得一间韩国料理，梗喺要多d返黎帮衬支持下佢地啦。