昌興麵家

营业中

休息中

睇google map揾食时候，就发现呢间昌兴面家评分都几高，再去揾多d佢既资料，似乎系一间隐世老面店，试左招牌水饺面，哗..第一啖食落去真系儿时味道，好耐无食过呢种咁浓大地鱼汤底，面爽，仲有韮王，以前系河内道有3个阿姐主理既云吞面舖执左之后除左刘深记都无乜边道食到，碗面有3粒大大的珍宝饺。饺够饱满，虾够爽，果然系招牌。睇人地食评佢既牛腩同猪手都very good, 下次要试下。老板同老板娘閙交咁既沟通方式应该都系日常，一边听佢地闲话家常，一边食面，就好似系屋企咁，但老板娘对客人绝对系好有礼貌🤣。