廣豐味

营业中

休息中

虽然我已经系一个中佬，但系我都有任性嘅一面。早排，成个礼拜都系落大雨，但系我好想食位于大埔运头街美华大厦地下嘅「广丰味」，挂住嘅就系佢嘅鸡肾。结果我就冒住滂沱大雨，走咗入去大埔。响呢个有遮都冇用嘅日子，我低住头，一路行，一路行，终于见到舖头著住抢眼嘅霓虹灯，我个心即刻定咗好多，因为呢块霓虹灯牌代表今日唔会白行一趟。我叫咗两串鸡肾，一串红肠同埋一串鸡脚。两串鸡肾都有强劲嘅口感，而配合红肠一齐食又系超级夹，鸡脚够哂入味，又令到成个组合更加圆满。