One More Hotpot 來一鍋 (已結業)

琴晚帮衬了铜锣湾闹市中的沧海遗珠-- 一间唔显眼，不过食过番寻味的火锅料理餐厅，味道、份量、款式都比出面好多火锅店出色，绝不马虎，值得推介！首先环境好阔络，一个卡位坐6个人都唔会逼。仲有圆枱(大厅)、厢房，无论情侣拍拖或家庭聚餐都容易安排，视乎人数而定。酒水当然唔可以忽视。汽水啤酒任饮之余，绝对不是是但但，好多外国款式拣！最重要一提，可以拣白酒、红酒！我咗白酒因为火锅有海鲜盘！汤底系「花胶螺头鸡锅㶶汤」我系汤底内夹咗6片大花胶出来！（图中系其中2片）足料程度唔洗再解释啦，好补好滋阴啊海鲜盘包括有壳鲍鱼、龙趸肉、有壳青口、有壳扇贝、贵妃蚌、大虾、象拔蚌(可惜当晚生蚝售罄)。每样都好鲜甜好味，个鲍鱼碌熟都成只羹咁大！老板果真大方！对于食肉兽来讲，手切安格斯牛肉当然不少得。牛肉鲜嫩可口，味道浓郁，第一次食牛肉无点酱油已经觉得好好味！🤗仲有手工肉丸、手工饺子，份量一啖一粒，可以留肚食多几款，啱晒女仔眼阔肚窄的心思！