粗菜館

营业中

休息中

我的中学老师曾经教过我书本其实唔需要由头睇到尾，只睇精华的部份就够，如果唔系你只系浪费人生。头一次听到简直系当头棒喝，所以有时揾好西食的时候都系一样，人的胃口有限，黎到一间餐厅，只需要享用最好食的菜式就够，而唔需要浪费自己食野的Quota。呢个系列就系介绍一些奇貌不扬的餐厅，当中亦揾到沧海遗珠美食推介。第一间介绍就系粗菜馆。粗菜馆系旧时都有少少名气，主因系得到蔡澜先生推介，不过随时蔡生推介唔同的餐厅后，自然好快将粗菜馆消失系大家脑海。当中有一道菜系黎到必叫就系秘制沙姜鸡，佢同其他食店的沙姜鸡唔同，外面佢会系白切鸡或盐焗鸡，之后配上沙姜酱俾你点就系叫沙姜鸡。但粗菜馆系做得好细致，首先会将鸡煮熟，之后用秘制沙姜汁去炆，鸡肉入晒味之余又唔会过咸，而鸡肉肉质仲可以保持嫩滑，最后将沙姜汁打芡淋上鸡肉上枱，可以话睇得又食得，只系呢道菜已经可以送几碗饭。