影片
更多
2017-11-26
4046 浏览
身边素食朋友约食饭，地点当然由佢负责。收工过到黎观塘见时间尚早就睇左阵STARWAR展先，等到朋友都到埋就行过黎尚素。路程唔使五分钟，都几就脚。因为餐牌实在太多选择，朋友惊我选择困难症又发作就揸主意点左个二人餐。二人餐可拣嘅其实都几多，同埋价钱都几实惠。餐汤系老火汤同竹笙烩素翅。饮落好够火候同清甜，啱啱近排寒流龚港饮完暖笠笠。本身系可以升级做松茸汤的但见我地之后几样菜都系菇菌就唔升了，惊补得济。头盘系叉烧配海蜇及苦瓜凉伴珍珠耳。一食叉烧都真系有啲食肉嘅错觉，用腐皮做成嘅素叉烧无论造型同埋味道都好真，烧焦香加埋入口甜甜咸咸咁真系几好食。而海蜇系用蒟蒻做成，入口滑溜溜又有少少弹牙。微量麻辣味道十分开胃。珍珠耳都几爽口，加上苦瓜除左好多苦味。两者一齐食麻油香同回甘味够清新。同叉烧一浓一清咁，配搭得几好。麻香担担面。份量十足，虽则系二人餐但份量足够三至四人分都无问题。配料睇落唔多，但味道好浓郁。花生香同芝麻香十足，面质够弹牙混和花生碎同炸蒜够晒香口惹味。干窝煸榆耳。榆耳睇餐牌介绍系高蛋白低脂肪嘅食材，又可以行气活血系秋冬进补食品之一。除左榆耳入面仲有包括白木耳／珍珠耳／冬菇同埋秀珍菇等，十分丰
因为餐牌实在太多选择，朋友惊我选择困难症又发作就揸主意点左个二人餐。二人餐可拣嘅其实都几多，同埋价钱都几实惠。
餐汤系老火汤同竹笙烩素翅。饮落好够火候同清甜，啱啱近排寒流龚港饮完暖笠笠。本身系可以升级做松茸汤的但见我地之后几样菜都系菇菌就唔升了，惊补得济。
蜜汁叉烧拼麻辣海蜇
79 浏览
0 赞好
0 留言
一食叉烧都真系有啲食肉嘅错觉，用腐皮做成嘅素叉烧无论造型同埋味道都好真，烧焦香加埋入口甜甜咸咸咁真系几好食。而海蜇系用蒟蒻做成，入口滑溜溜又有少少弹牙。微量麻辣味道十分开胃。
珍珠耳都几爽口，加上苦瓜除左好多苦味。两者一齐食麻油香同回甘味够清新。同叉烧一浓一清咁，配搭得几好。
麻香担担拉面
49 浏览
0 赞好
0 留言
麻香担担面。份量十足，虽则系二人餐但份量足够三至四人分都无问题。配料睇落唔多，但味道好浓郁。花生香同芝麻香十足，面质够弹牙混和花生碎同炸蒜够晒香口惹味。
干窝煸榆耳
54 浏览
0 赞好
0 留言
除左榆耳入面仲有包括白木耳／珍珠耳／冬菇同埋秀珍菇等，十分丰富。因为仲用左几样鲜／干辣椒黎爆炒，所以味道偏香辣浓郁，配上腰果食令人口除左榆耳本身嘅爽口仲多左层脆卜卜嘅口感。食多几口都唔会觉腻。
牛肝菌香煎芙蓉鲜竹
47 浏览
0 赞好
0 留言
经过香煎后嘅牛肝菌同腐竹，除左香口之外亦保持软嫩。菌香，蛋香，同豆香均匀，平平无奇嘅煎蛋系加入其余两样材料之后，意外的好食。
最后食埋糖水莲子桂花小丸子，清甜又解辣。
听朋友讲近年素菜愈来愈多变化，而呢度采用养生保健菇菌概念制作，医食同行得黎又够好味，朋友今餐真系无介绍错。
张贴
