必勝客 (已結業)

星期日下昼,同朋友黎食下午茶,估唔到咁既时间都要等位...千岛海鲜厚批:简直系必胜客咁多批里面最好味一款!千岛酱劲好味,海鲜又多,食到好多吞拿鱼同蟹柳,很好!炸鸡篮:系下午茶套餐之一,连两杯饮品,$59,好丰富呢!有好多件炸鸡同脆鸡,啖啖肉,又够香口,仲有两串鸡肉串,不过呢两串就麻麻,肉比较干硬,除左鸡之外,篮底既连皮薯片又系十分好味,唯一缺点系成篮食物都几油...肉酱酿茄子:一碟三件,比想像中大件,肉酱有芝士汁,少少漏,但味道佳,好香,入口好淋,唔算油,几好!鲜果沙律:虽然咩都有(士多啤梨,苹果,水蜜桃,蜜瓜,奇异果等),但系份量好少,唔抵食!碎冰朱古力:唔太浓,一般。(有cream的,唔食记住叫佢走cream)三个人食以上既野,食到好饱,但系大家都觉得好好味呢!